ആഗോള പ്രണയ ദിനം ..

ദാ കിടക്കുന്നു പണ്ടാറം അടങ്ങാന്‍

ഇനി അതിന്‍റെ കുറവേ ഉള്ളു

ബാക്കി എല്ലാം തികഞ്ഞു കിടക്കുവാണ്

അല്ല പിന്നെ

എടെ എടെ ആരുവാ ഈ മലയാളി ?

വാലന്‍ടൈന്‍ ഒരു ചരിത്രം

പണ്ടു നടന്ന കഥയാണ്‌ ഒരു സായിപ്പ് ഒരിക്കല്‍ പോയി .

പോകാന്‍ നേരം മദാമ്മയ്ക് ഒരു എഴുത്ത് കൊടുത്തു

"എടിയെ ഞാന്‍ ഇപ്പൊ വരാം ..പട്ടിയെ പൂട്ടിയിട്ടുണ്ട് ..നീ ചാടി പോകരുത് "

സായിപ്പ് ഉഗാണ്ടയ്ക്ക് പോയിമദാമ്മ ചാടിപോയതും ഇല്ല

പിന്നിട് കാലം കുറെ കഴിഞ്ഞു

ഏതോ മലയാളി ഈ കഥ തപ്പി എടുത്തു

അയാളും ഭാര്യക്ക് ഒരു സന്ദേശം അയച്ചു .

സ്വന്തം ഭാര്യയ്ക്ക് അല്ല എന്ന് മാത്രം !!!

മലയാളി അല്ലെ ..വര്‍ഗ ബോധം കാണും

"കെട്ടിയോനെ പൂട്ടിയിട്ടുണ്ട് ..നീ ചാടി പോരെ "

കാലം മാറി എഴുത്ത് പോയി..മെസേജ് ,സ്ക്രാപ്പ് ഒക്കെ ആയി ...

സന്ദേശം പഴയത് തന്നെ

" കെട്ടിയോനെ പൂട്ടി ഇട്ടിട്ടുണ്ട് നീ ചാടിപ്പോരെ ..!!"

ഇതാണ് ഈ ആഘോഷത്തിന്‍റെ ഒരു ചരിത്രം

ആഘോഷത്തിനു പിന്നില്‍

മലയാളികളുടെ സാംസ്കാരിക മൂല്യ ശോഷണ ത്തിന്‍റെ നേര്‍ അടയാളം ആണ് ഇത്തരം പ്രണയ ലീല മേളകള്‍ .ഒരു സംസ്കൃതിയുടെ തൂവല്‍ സ്പര്‍ശം കൂടി ഉണ്ടാവുമ്പോള്‍ മാത്രമേ ഒരു ആഘോഷത്തിനു നിറവ് വരൂ .പൊലിമ വരൂ നമുക്ക് അന്യം ആയ ഒരു സംസ്കൃതിയുടെ വിളംബര ജാഥ മാത്രം ആണ് "ആഗോള പ്രണയ ദിനം " .മനസ്കൊണ്ട് ഒരു മലയാളിക്കും അതില്‍ അഭിരമിക്കാന്‍ കഴിയില്ല തന്നെ ..വെള്ളം അടിച്ചു പെണ്ണും ആണും കൂടെനടത്തുന്ന "സാംസ്കാരിക നാടകീയ നൃത്ത ശില്‍പ്പത്തിനു വിശ്വ മാനവികതയുടെ ദര്‍ശനം ഒക്കെ കൊടുക്കാന്‍ ചിലപുരോഗമന വാദികള്‍ ഒക്കെ മുന്നിട്ട് ഇറങ്ങുന്നത് കാണുമ്പോള്‍ ചിരി വരും കാര്‍മുക പാണിക്ക്

ഇതിനെ ഒക്കെ പരി പോഷിപ്പിക്കുന്നവര്‍ ആര് ?

ചില നിഗൂഡ ശക്തികള്‍ ആണ് ഇതിനു പിന്നില്‍ ..

അന്താ രാഷ്ട്രീയം ആയ ഇടപെടലുകള്‍ ഉണ്ട് .

ആഗോള വത്കരണത്തിന്റെ ഫലം ആയിട്ട് വന്ന തൊഴില്‍ മേഖലകളും ( ഐ ടി ,മാനേജ് മെന്‍റ് മുതലായവ ) ,പ്രൊഫഷണല്‍ വിദ്യാഭ്യാസം ആയാലും

വ്യക്തിത്വത്തെ മൃഗീയ ചൂഷണം ചെയ്തു തങ്ങളുടെ ചിന്താ ധാരയിലേക്ക് കൊണ്ട് വരുന്നവ ആണ് .. അതിനാല്‍വ്യക്തി നശിക്കുന്നു ..

അവനിലെ നന്‍മ നശിക്കുന്നു .. കമ്പനിക്ക് ഒരു ഗുഡ് തൊഴിലാളി മതി .

.നിങ്ങളെ ഇല്ലതാക്കുന്നിടതാണ് അവന്റെ വിജയം

നിഗൂഡ മാനേജ് മെന്‍റ് തന്ത്രം

കൂട്ടായ്മ എന്നത് ഒരു ശക്തി ആണ് മാനേജ് മെന്‍റ് ഏറ്റവും ഭയക്കുന്നത് അതിനെ തന്നെ കൂട്ടായ്മയെതടയാന്‍ ഒക്കില്ല .അവന്‍ കൂട്ടം കൂടും പിന്നെ എന്താണ് ഒരു വഴി ?

മലയാളി പരക്കം പായുന്നതിനു എന്തിനു

മലയാളിക്ക് എന്തിനും ഒരു ആക്രാന്തം ആണ് ..അട്ടയെ പിടിച്ചു മെത്തയില്‍ കിടത്തിയാല്‍ അത് കിടക്കില്ല ..മലയാളി കിടക്കും ..കാരണം അവന്‍ മെത്ത കാണുന്നത് ആദ്യം ആയിട്ടാണ്

ഈ പ്രണയ ദിനം എങ്ങനെ ആഘോഷിക്കാം ?

ആണുങ്ങളെ ..പെണ്ണുങ്ങളെ.... നിങ്ങള്‍ ഇത്തവണ ഒരു തീരുമാനം എടുക്കുക .നിങ്ങള്‍ മെസേജ് കൈ മാറിയില്ല എങ്കിലും പ്രണയ ദിനം കടന്നു പൊയ്ക്കോളും .നിങ്ങള്‍ രാവിലെ എണീറ്റ്‌ കുളിച്ചു അമ്പലത്തിലോ പള്ളിയിലോ ഒക്കെ പോയി മനോഹരം ആയ ഒരു ദിവസത്തിന് തുടക്കം ഇടുക .. കമ്പ്യൂട്ടര്‍ ഷട്ട് ഡൌണ്‍ ചെയ്യുക .. കുടുംബ അംഗങ്ങളോട് ഒപ്പം സുഖമായി ഭക്ഷണവും കഴിച്ചു വൈകിട്ട് ഒരു സവാരി ഒക്കെ ചെയ്തു വരിക .പ്രണയ ദിനം അങ്ങനെയും ആഘോഷിക്കാം ..കൂട്ട് കാരനും കൂട്ട് കാരിയും കളി അന്നത്തേക്ക്‌ ഒഴിവാക്കിയാല്‍ തെണ്ടുന്നത്‌ മൊബൈല്‍ കാരനും ഇന്റര്‍നെറ്റ്‌ കാരനും ..നമുക്ക് എന്ത് ചേതം ... നാല് പേര്‍ തീരുമാനിക്കൂ..അത് നാല്‍പ്പതു പേരില്‍ എത്തും . ചെയ്യണം കേട്ടോ

വാല്‍ക്കഷ്ണം

സായിപ്പ് എന്ത് കാണിച്ചാലും മലയാളി അത് അനുകരിക്കും ..സായിപ്പ് വെള്ളം തൊടാറില്ല എന്നും ടിഷ്യു പേപ്പര്‍ കൊണ്ട് ആണ് കാര്യം സാധിക്കുന്നത് എന്നും കേട്ടു.വെറുതെ അല്ല .മലയാളിക്ക് ഈയിടെ ആയി ഒരു നാറ്റം !